B.S. Practical Engineering

Ako ang inhinyero sa bahay pero minsan e mas malupit si misis kesa sakin pagdating sa practical engineering.

Dahil summer ay bumili kami ng inflatable pool para sa mga chikiting. May isa’t kalahating metro din yung sukat nung pool at may taas na aabot sa kalahating metro . ‘Di sumagi sa isip ko na bumili ng compressor o yung pampahangin dahil inisip kong kaya ko namang bombahan yung pool gamit ang manual pump na pambisikleta.

Cartoon-baby-swim-pool-1350874085-0
Pambata lang yung kinuha namin… Mula ang larawan sa cn-airmattress.com

Nang makauwi kami ay sinubukan kong bombahan yung inflatable pool.

Syete.

Mauubusan nako ng hangin sa baga at matotodas kakabomba ay siguradong di pa ako mangangalahati.

“Punta nalang tayo sa vulcanizing shop bukas ng maaga,” kako kay kumander.

Sa loob-loob ko ay di ako sang-ayon sa sinabi ko dahil napaka-hassle bitbitin yung pool na halos singtangkad ko kapag nakatagilid lalo na kung sasabayan pa ako ng walang kurapang mga titig ng mga naglalakihang mga mata ng aking mga minamahal na kapitbahay.

“Pero sana may mahihiraman nalang ng compressor kahit yung maliit lang,” kako ulit.

“Pwede siguro yung nebulizer” sabi ni boss.

Nagka lightbulb. Yun nga lang, di ako yung nagbukas ng ilaw.

“Oo nga ano!” nasabi ko nalang na may halong inis sa sarili ko. Ang simple lang dapat nun pero bakit di ko kaagad naisip yun?!

At ganun na nga ang nangyari. Naglalabas nga naman ng hangin yung nebulizer kaya nagamit namin ito para ma-inflate yung pool.

Malaki ang utang na loob ko sa nebulizer na yon dahil buhay parin ako hanggang ngayon at nagkukwento tungkol sa practical sense ni boss at sa nadiskubre naming di lang para sa taong may hika ang nebulizer.

Oo na, sige na nga. Sa pagkakataong iyon ay panalo si kumander samantalang bumagsak naman ang Bataan. Pero di bale na, ayos lang. Mas mabuti na yung inflatable pool ang gumamit ng nebulizer at hindi yung aking mga mini me na tulad kong pogi.

Advertisements

Author: The Romantic Alpha

Aside from physical and intellectual strength, a man is also given a heart to feel and share love and value. Dive into the mind of the alpha, feel his heart beat, and let me carry you with my strong yet gentle hands. I'm continuously innovating myself to be a better man, husband, father, friend, and structural engineer. Love's not overrated. The world needs the true essence of which.

7 thoughts on “B.S. Practical Engineering”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s